Fyrirtækið byrjaði starfsemi sína 1 Maí 1978 og var tilgangurinn upphaflega bílainnréttingar og framleiðsla á sætum í bíla, aðallega í fólksflutningabíla og jeppa. Upphaf brettakantasmíði hjá fyrirtækinu var, að á markaðinn vantaði brettakanta á "Gamla" Bronco fyrir stærri dekk (þetta var árið 1983). Beiðni um það kom frá Bronco-eiganda, sem var þegar kominn á stærri dekk en kantar voru til fyrir. Fengnir voru kantar, þeir lengdir og breikkaðir, tekin af þeim mót og öðrum gefinn kostur á, en mikill og vaxandi áhugi á jeppabreytingum var þá þegar fyrir hendi. Síðan vatt þetta upp á sig, og í dag eru til mót fyrir hinar ýmsu gerðir og fer fjölgandi. Árið 2002 var fyrirtækið gert að einkahlutafélagi undir nafninu “Gunnar Ingvi – Bílasmiðja ehf.” Í dag er fyrirtækið staðsett að Vagnhöfða 16,110 Reykjavík.